Xalq Cəbhəsi Qəzeti logo
Xalqın səsi
ilham

“OPEC+ anlaşmasının icrası çətindir”

05.12.17, 14:05
Facebook-da paylaş Twitter-da paylaş Google-da paylaş Yahoo
Bu xəbəri paylaş
 

Qazaxıstan üçün OPEC+ neft hasilatının azaldılması ilə bağlı anlaşmadakı öhdəliyin yerinə yetirilməsi çətin olacaq.
Bu açıqlama ilə Qazaxıstanın energetika naziri Kanat Bozumbayev çıxış edib.
"OPEC+ anlaşması əvvəl razılaşdırıldığı səviyyədə davam etdiriləcək. Bizim üçün bunu etmək çox çətin olacaq. Anlaşmanı uzatmağa razı olmağımız tərəfimizdən neft qiymətlərini sabit saxlamaq üçün atılmış ən böyük kompromis addımdır", - deyə nazir əlavə edib.
"Təbii ki, anlaşmanı uzatmağa razılaşmışıq. Lakin əgər bizim öhdəliyi yerinə yetirməklə bağlı çətinliyimiz olarsa, anlaşma iştirakçıları ilə görüşüb vəziyyətimizi müzakirə edəcəyik", - K.Bozumbayev bildirib.
"Report" xəbər verir ki, Qazaxıstan rəsmisinin açıqlamasından sonra neft qiymətləri azalmağa başlayıb. "Brent" markalı neft 0,4% ucuzlaşaraq 62 dollar/barel səviyyəsinə yaxınlaşıb.
Qeyd edək ki, sabah ABŞ-da neft ehtiyatlarının həcmi və hasilat göstəricisi açıqlanacaq. Ehtiyatlar və hasilatda artım müşahidə olunarsa, neft qiymətlərində 60 dollar/barelə doğru hərəkət mümkündür.

Bu xəbər oxundu
- - -