Xalq Cəbhəsi Qəzeti logo
Xalqın səsi
ilham

“Paşinyanın Moskvadan qayıtdıqdan sonra səs yazsının dövrüyəyyə buraxılması ona mesaj idi”

12.09.18, 12:16
Facebook-da paylaş Twitter-da paylaş Google-da paylaş Yahoo
Bu xəbəri paylaş
 

Məhəmməd Əsədullazadə: “Kreml demək istəyir ki, sənə inanmadıq və etibarlı tərəfdaş olmayacaqsan”

Paşinyanın Rusiyaya səfəri maraqlı məqamlarla yadda qaldı. Səfərdən sonra isterik bəyanatlar, eyni zamanda, baş verən müxtəlif hadisələr maraqlı mənzərə yaradır. Ermənistanın milli təhlükəsizlik xidmətinin rəhbəri Artur Vanesyanla Xüsusi İstintaq Komitəsinin rəisi Sasun Xaçaturyan arasında olan telefon danışığının ictimailəşdirilməsi də təsadüfi sayılmır. Ermənistan mətbuatının yazdığına görə, Artur Vanesyanın qardaşı uzun müddət Corc Sorosun Ermənistandakı şəbəkəsinə rəhbərlik edən şəxslərdən biri olub. Vanesyanla Xaçaturyanın ictimailəşdirilən telefon danışığında həmçinin Kollektiv Təhlükəsizlik Müqaviləsi Təşkilatının (KTMT) baş katibi ilə bağlı “Xaçaturova toxunmaq olmaz” sözləri yer alır.
Millət vəkili, politoloq Sahib Alıyev deyib ki, Ermənistanın Milli Təhlükəsizlik və Xüsusi İstintaq Xidmətlərinin rəhbərləri arasında Köçəryanla Xaçaturovun tutulmaları ilə bağlı telefon danışıqlarının yayılması üç reallıqdan xəbər verir: “Birincisi, ondan xəbər verir ki, bu ökənin xüsusi xidmət orqanları və həmin qurumlara rəhbərlik edənlər "xüsusi nəzarət" altındadırlar, bəlli mərkəzlər onların atdıqları hər addımdan xəbərdardırlar və əgər bu cür davam etsələr, yeni ifşaedici faktlar, eyni zamanda, da digər əməliyyat xarakteli hallarla rastlaşacaqlar.
İkincisi, bu, Rusiya ilə Ermənistan arasında əlaqələrin Paşinyanın qeyd etdiyi "ən yüksək səviyyə"də deyil, bir siyasətçi kimi onun səviyyəsiyyəsində olduğunun göstəricisidir. Belə görünür ki, Ermənistanın baş naziri Moskvaya gedərkən Kremlin öncədən anons etdiyi "ciddi suallar"a ondan ciddi cavab alınmayıb.
Üçüncüsü, bu telefon danışıqları ordakı həbslərin siyasi xarakterli olmasının növbəti təsdiqidir. Bəli, Köçəryan və Ermənistandakı hərbi xuntanın digər təmsilçiləri əsl cinayətkarlardır. Ancaq Ermənistan Milli Təhlükəsizlik Xidmətinin rəhbərinin Xüsusi İstintaq Xidmətinin rəhbərinə, "Xaçaturova toxunulmasın bu, Rusiyanın xoşuna gəlməyəcək, onun yerinə Ohanyan tutulsun" kimi məsləhətləri burada edilən həbslərin arxasında qisasçılığın dayanmasından və hüquqdan yox, siyasətdən söhbət getdiyini ortaya qoyur”-deyə, deputat fikrini tamamlayıb.
Politoloq Məhəmməd Əsədullazadə isə diqqətə çatdırdı ki, Ermənistanda inqilabla hakimiyyətə gələn Nikol Paşinyanın anti-rus siyasəti və Kremlin kurasiyasında olan Qarabağ klanın məşhur üzvülərinə qarşı Robert KÖçaryan və Yuri Xaçaturova qarşı cinayət işinnin qaldırılması birbaşa Rusiyanın bu ölkədə dayaqlarının zəifləməsinə hesablanıb: “Qeyd edim ki, Rusiyanın əsas fiqurlarına cinayət işinin başlanması və bu məsələnin təhülkəsizlik oraqanlarında aparılan danışıqlarda dinlənilməsi təbii idi. Çünki Rusiya prosesi nəzarətdə saxlayırdı və bu həbslərin sifarişli olduğunu üzə çıxartmalı idi. Paşinyanın Putinlə görüşdə müttəfiqlikdən danışması, Moskvadan qayıtdıqdan sonra bu səs yazışmasının dövrüyəyyə buraxılması Paşinyana mesaj idi. Kreml demək istəyir ki, sənə inanmadıq və etibarlı tərəfdaş olmayacaqsan. Rusiya həttta Paşinyanın telefon danışıqlarını dinləyir və onun apardığı siyasətə qarşı bu kimi addımlarla cavab verir ki, nə dediyini və etdiyinin fərqindəyik”.

Əli

Bu xəbər oxundu
- - -