Xalq Cəbhəsi Qəzeti logo
Xalqın səsi
ilham

Soydaşımız Ukrayna Mədəniyyət Nazirliyi yanında mərkəzin Elmi Şurasının üzvü seçilib

18.10.18, 10:26
Facebook-da paylaş Twitter-da paylaş Google-da paylaş Yahoo
Bu xəbəri paylaş
 

Ukrayna Milli Aviasiya Universitetinin beynəlxalq hüquq kafedrasının professoru, Əməkdar təhsil işçisi, hüquq elmləri doktoru, soydaşımız Arif Quliyev Ukrayna Mədəniyyət Nazirliyi yanında Mədəniyyət Araşdırmalar Mərkəzinin Elmi Şurasının üzvü seçilib.
AZƏRTAC xəbər verir ki, o, şuranın üzvlüyünə Azərbaycan-Ukrayna arasında mədəni dialoqun inkişafında, multikultural ideyaların yayılmasında göstərdiyi xidmətə görə layiq bilinib.
Elmi Şuranın iclasında çıxış edən A.Quliyev bildirib ki, dünyada sülhün bərqərar olması üçün mədəniyyət diplomatiyasının inkişaf etdirilməsi vacibdir. Mədəniyyət diplomatiyasının dəyərləri əbədidir, ona görə də bu dəyərlər inkişaf etdirilməlidir.
O vurğulayıb ki, bu gün Azərbaycan dünyada yaranmış qlobal problemlərin həllinə kömək göstərən təşəbbüslərlə çıxış edir. Onlardan ən əhəmiyyətlisi dünya dövlətlərini mədəniyyətlərarası dialoqa, multikultural dəyərlərdən faydalanmağa dəvət etməsidir.

Bu xəbər oxundu
- - -