Bahar Muradova Türkiyənin bir qrup mətbuat nümayəndəsi ilə görüşüb

"Dağlıq Qarabağ münaqişəsi ilə bağlı həqiqətlərin dünya ictimaiyyətinə çatdırılmasında Azərbaycan Türkiyənin dəstəyinə daha çox bel bağlayır".
APA-nın məlumatına görə, bunu Milli Məclis sədrinin müavini Bahar Muradova Türkiyənin bir qrup mətbuat nümayəndəsi ilə görüşündə deyib.
B. Muradova qeyd edib ki, Dağlıq Qarabağ və qondarma "erməni" soyqırımı məsələləri ölkə içində olduğu kimi, beynəlxalq arenada da Türkiyə və Azərbaycan mediasının birgə fəaliyyət proqramının müəyyənləşdirməsini tələb edir: "Son illər bu istiqamətdə ciddi fəaliyyət var. Dağlıq Qarabağ problemindən əziyyət çəkən ölkə kimi Azərbaycan problem haqqında həqiqətlərin dünya ictimaiyyətinə çatdırılması istiqamətində Türkiyənin dəstəyinə çox bel bağlayır".