Mayın 18-də Azərbaycan Dövlət Milli Gənc Tamaşaçılar Teatrında “Qağayı” tamaşası növbəti dəfə nümayiş olunub.

Görkəmli rus yazıçısı Anton Çexovun “Qağayı” əsəri əsasında hazırlanmış eyniadlı səhnə əsərinin quruluşçu rejissoru Əməkdar artist Nicat Kazımov, tərtibatçı rəssamı Telman Şıxıyev, rejissor assistenti Fuad Cavadzadədir. Xoreoqrafik həll Nailə Məmmədzadəyə, musiqi tərtibatı Şamxal Novruzluya, fəndlərin quruluşu İsa Əsədova aiddir.

Səhnə əsərində Əməkdar artist Kəmalə Müzəffər, Əməkdar artist Nicat Kazımov, Mirsənan Kazımlı, Anar Seyfullayev, Səbinə Məmmədzadə, Anar Səfiyev, Sevinc Əziz, Aygün Fətullayeva, Manaf Dadaşov, Nurlan Süleymanlı, Araz Pirimov, Ümman Budaqov, Hilal Dəmirov rol alıb.

Bildirək ki, tamaşanın əsas ideyasını ifadə edən tənhalıq, təzadlar, tərəddüdlər içərisində qalmış insanın problemi hər bir qəhrəmanın vasitəsilə qabardılıb.