“Bu gün Azərbaycan Prezidenti həm Qoşulmama Hərəkatına üzv olan ölkələr tərəfindən, həm BMT-yə üzv olan çoxsaylı ölkələr tərəfindən, həm İslam Əməkdaşlıq Təşkilatına üzv olan ölkələr tərəfindən ciddi, etibarlı bir tərəfdaş kimi tanınır”.

Bunu xalqcəbhəsi.az-a açıqlamasında Milli Məclisin deputatı Hikmət Babaoğlu deyib.

Deputat qeyd edib ki, elə 44 günlük müharibə dövründə məhz BMT-yə üzv olan ölkələrin iradəsi nəticəsində BMT Təhlükəsizlik Şurasının Azərbaycana qarşı qərar qəbul etməsinin qarşısı alındı: “Bu, Azərbaycanın dünya dövlətləri içərisində liderliyini, nüfuzunu göstərən xüsusiyyətlərdən biri idi. Ən nəhayət, Azərbaycan həm də milli dövlətçiliyimizə və xalqımıza münasibətdə ədaləti təmin edə bildiyi kimi, digər əzilən xalqların səsi olmağı da bacarıb. Yəni bu gün Bakı yeni kolonializm siyasətindən əziyyət çəkən xalqların səsi olmağı bacarır”.

Röya İsrafilova