“İran yalnız öz maraqları çərçivəsində fəaliyyət göstərir. Ermənistanın və Azərbaycanın da maraqlarını nəzərə almır. Amma bu o deməkdir deyil ki, İranın mövqeyi ilə Zəngəzur dəhlizi açılmayacaq. Hər halda Ermənistan da öz perspektivində mənafelərini güdür”.

Bunu xalqcəbhəsi.az-a açıqlamasında politoloq İlham İsmayıl deyib.

İ.İsmayıl vurğulayıb ki, bölgədə sülhün yaranması üçün Zəngəzur dəhlizinin açılması şərtlərdən biridir: “Hesab edirəm ki, ona görə də İranın həmişəki kimi inadı davam etdirməsinin sonunda elə bir nəticəsi olmayacaq. Bu perspektiv də daha çox iki ölkənin - Azərbaycan və Ermənistanın mövqeyindən asılıdır. Ona görə də hesab edirəm ki, İran yalnız su bulandırmaqla məşğuldur və öz maraqlarını hesablayır. İranın başı indi öz dərdlərinə o qədər qarışıqdır ki, Zəngəzur dəhlizi onlar üçün bir o qədər prioritet deyil”.

Röya İsrafilova