İsrail ordusu yaxın vaxtlarda Fələstinin Qəzza şəhərinə genişmiqyaslı hücuma keçəcək, bununla əlaqədar yerli sakinlər oranı dərhal tərk etməlidirlər.

Xalqcebhesi.az xəbər verir ki, bu xəbərdarlığı yəhudi dövlətinin baş naziri Benyamin Netanyahu verib, onun videomüraciəti Baş Nazirlik dəftərxanası tərəfindən yayılıb.

O xatırladıb ki, son bir neçə gün ərzində İsrail ordusu Qəzzada bir neçə hündürmərtəbəli binanı dağıdıb. "Bütün bunlar yalnız bir girişdir, əsas intensiv hərəkətin - indi toplaşan və hazırlaşan əsgərlərimizin Qəzza şəhərində quru manevridir. Bu baxımdan fürsətdən istifadə edərək Qəzza sakinlərinə deyirəm: "Diqqətlə qulaq asın, sizə xəbərdarlıq edilib, oradan çıxın!", - deyə Netanyahu bildirib.

Məryəm Quliyeva