İnkaredilməz faktdır ki, Ukrayna, həqiqətən, Rusiya kimi təcavüzkar, imperialist və şovinist düşüncəli bir dövlətlə təkcə öz azadlığı uğrunda mübarizə aparmır. Bu reallığı nə qədər acı olsa da qəbul etmək mütləqdir.

Bunu xalqcebhesi.az-a politoloq Vüqar Dadaşov deyib.

"Əgər Rusiya Ukraynada istədiyinə nail olarsa, istəyini hər hansı bir razılaşmalarla rəsmiləşdirək və ya status-kvo əldə edərsə, ilk növbədə Rusiya keçmiş sovet respublikaları və Avropa üçün böyük bir real təhlükəyə çevriləcək. Bəli, bu gün Ukrayna Rusiya ilə bütün keçmiş sovet respublikaları, bütün Avropa uğrunda da mübarizə aparır" - politoloq deyib.

Onun fikrincə, əgər Rusiya Ukraynada qələbəsini qəbul etdirə bilərsə, ilk növbəti hədəfi keçmiş sovet respublikaları yox, Avropa İttifaqı dövlətləri olacaq: "Ona görə ki, Rusiya həm Ukrayna müqavimətini, eləcə də öz insani resurslarını nəzərə alaraq məhz Aİ dövlətlərindən başlaya bilər. Ən əsası isə, Rusiyanın belə qərarına, əgər Rusiya Aİ dövlətlərindən ən azı birini nəzarətinə götürə bilərsə, o halda keçmiş sovet respublikalarının könüllü Rusiya orbitinə dönəcəyinə hesabı təsir edə bilər".

Cavid