Almaniya kansleri Fridrix Merz dekabrın 9-da Berlində Ermənistanın baş naziri Nikol Paşinyanla görüşəcək.

Xalqcebhesi.az xəbər verir ki, bu barədə jurnalistlərə Almaniya hökumətinin sözçünün müavini Sebastian Hille bildirib.

"Çərşənbə axşamı saat 16:00 radələrində Almaniya kansleri Federal Kansleriyada Ermənistanın baş naziri Nikol Paşinyanı hərbi fəxri adlarla qarşılayacaq. Sonrakı danışıqlarda ikitərəfli iqtisadi əməkdaşlıq, regional məsələlər, Ermənistan və Azərbaycan arasında sülh prosesi müzakirə olunacaq", - Hille bildirib.

Onun sözlərinə görə, danışıqlardan sonra liderlərin birgə mətbuat konfransı nəzərdə tutulub.

Məryəm Quliyeva