“Netanyahu Tramp görüşünün İran gündəmi ən kritik məqamdır. Netanyahu Trampı İrana qarşı daha sərt mövqeyə cəlb etməyə çalışır”.

Bu fikirləri xalqcebhesi.az-a politoloq Elman Telmanoğlu deyib.

Politoloqun bildirdiyinə görə, raket istehsalı ilə əlaqəli obyektlərə mümkün zərbələrin müzakirəsi onu göstərir ki, İsrail preventiv hərbi ssenariləri gündəmdə saxlayır və bu məsələdə Vaşinqtonun siyasi-diplomatik dəstəyini təmin etmək istəyir: “Tramp üçün isə İran mövzusu həm regional güc balansı, həm də ABŞ-nin qlobal liderlik iddiası baxımından mühüm alətdir. Ümumilikdə, bu görüş təkcə ikitərəfli dialoq deyil, Qəzza, Türkiyə faktoru və İran xətti üzrə gələcək proseslərin konturlarını müəyyənləşdirən siyasi platforma kimi qiymətləndirilə bilər. Bu görüşdən çıxacaq mesajlar Yaxın Şərqdə yeni mərhələnin başlanğıcı ola bilər”.

Röya İsrafilova