Ukrayna prezidenti Volodimir Zelenski Rusiya Silahlı Qüvvələrinin Ukrayna ərazisinə ‘Oreşnik’lə zərbə endirdiyini təsdiqləyib və dünyanı, ilk növbədə isə ABŞ-ı buna reaksiya verməyə çağırıb.

Xalqcebhesi.az xəbər verir ki, bu barədə Zelenski öz Telegram kanalında yazıb.

“Dünyanın aydın reaksiyası lazımdır. İlk növbədə, Rusiyada həqiqətən nəzərə alınan ABŞ-ın. Rusiya siqnallar almalıdır ki, onun borcu diplomatiyaya fokuslanmaqdır və bunun nəticələrini hiss etməlidir…”, – deyib.

O, həmçinin Qərbdəki tərəfdaşları Ukraynanın hava hücumundan müdafiə sisteminə dəstəyi artırmağa çağırıb. Onun sözlərinə görə, tədarükdə, istehsalda və razılaşmalarda “heç bir gün belə itirilməməlidir”. Ukrayna lideri qeyd edib ki, Kiyev bütün səviyyələrdə tərəfdaşları zərbənin detalları və hansı cavab tədbirlərinin lazım olduğu barədə məlumatlandırmaq niyyətindədir.

Məryəm Quliyeva