ABŞ Prezidenti Donald Tramp İran əməliyyatını dörd konkret məqsədə çatana qədər davam etdirmək niyyətindədir.

Xalqcebhesi.az xəbər verir ki, bu barədə CBS News telekanalı ABŞ administrasiyasının adını açıqlamayan nümayəndəsinə istinadla məlumat verir.

Nümayəndənin sözlərinə görə, Tramp İranın raket qüvvələrini və Hərbi Dəniz Qüvvələrini məhv etmək, İranın “nüvə silahı hazırlamasına imkan verməmək”, digər ölkələrdə “terrorçu orduları silahlandırmaq və maliyyələşdirmək imkanını əlindən almaq” və onları idarə etmək imkanını məhdudlaşdırmaq istəyir.

Tramp əvvəllər döyüş əməliyyatlarının 4-5 həftə davam edəcəyini bildirmişdi. ABŞ administrasiyasının bəzi nümayəndələrinin fikrincə, əməliyyat göstərilən müddətdən həm əvvəl, həm də sonra başa çatmış ola bilər, deyə telekanal qeyd edir.

Məryəm Quliyeva