İran və Azərbaycan arasında müqayisə edilməz dərəcədə istər daxildə, istərsə də xarici siyasətdə fərq var. İran terrorizmi dəstəkləyən ölkə imici qazanıb və proksi qrupların arxasında məhz İran dayanır və özünün çirkin planların həyata keçirilməsi üçün onlardan istifadə edir.

Bunu xalqcebhesi.az-a politoloq Çingiz Şahbazi deyib.

O, qeyd edib ki, daxildə baş verənlər, etirazlar dalğası, kütləvi şəkildə həbslər və edam cəzaları bu ölkənin nə qədər qeyri-insani qaydalarla idarə olunduğunu göstərir:

"Azərbaycanın bu ölkəyə qarşı yürütdüyü əsil qonşuluq və dostluq münasibətləri qarşılığında bu gün Azərbaycana qarşı dron hücumları onu göstərdi ki, İrana güvənmək olmaz və baş verən insidentlə bağlı dünyanın hər yerindən Azərbaycan prezidenti İlham Əliyevə zənglər olundu və İranın ölkəmizə qarşı hücumları ciddi şəkildə pisləşdi.

Əlbəttə ki bütün bunlar Azərbaycana beynəlxalq səviyyədə dəstəyin ifadəsidir və hesab edirəm ki başda Səudiyyə Ərəbistanı olmaqla, Azərbaycana qarşı əsil İslam həmrəyliyi göstərildi və məhz belə hallarda bu kimi ehtiyac duyulan zənglər heç şübhəsiz ki, Azərbaycanın indiyə qədər sərgilədiyi mövqeyinin göstəricisi və nəticəsidir".

Cavid