İtaliya parlamentində bəzi deputatlar ölkənin ABŞ və İsraildən uzaqlaşmasını, həmçinin Vaşinqtona qarşı sanksiyalar tətbiq etməsini təklif ediblər.

Xalqcebhesi.az xəbər verir ki, “Politico”nun məlumatına görə, “5 ulduz hərəkatı”nın deputatı Arnaldo Lomuti hökuməti ABŞ-a sanksiya tətbiq etməyə və İrana hərbi yardım paketi təqdim etməyə çağırıb. O, bu fikirləri İtaliya parlamentində keçirilən debat zamanı səsləndirib.

Debat zamanı digər deputat Angelo Bonelli isə baş nazir Giorgia Melonini ölkəni müharibəyə cəlb etməkdə ittiham edib. Onun sözlərinə görə, İtaliya ərazisinə gələn hərbi təyyarələr texniki xidmət və ya digər məqsədlərlə istifadə olunsa da, sonradan müharibə bölgələrində bombardman əməliyyatlarında iştirak edir.

Bonelli bildirib ki, hərbi logistika dəstəyi faktiki olaraq müharibədə iştirak deməkdir və bununla razılaşmadıqlarını vurğulayıb.