İran və ABŞ Pakistan tərəfindən hazırlanan və təklif edilən hərbi əməliyyatların dayandırılması planını qəbul ediblər. Bütün müddəalar aprelin 6-da razılaşdırıla bilər.

Xalqcebhesi.az xəbər verir ki, bu barədə "Reuters" agentliyi öz mənbəsinə istinadən məlumat yayıb.

Məlumata görə, sənəd iki mərhələli yanaşmanı nəzərdə tutur: dərhal atəşkəs və ardınca hərtərəfli sazişin bağlanması. Ehtimal olunur ki, barışıq Hörmüz boğazı vasitəsilə gəmiçiliyin dərhal bərpasına imkan verəcək. Yekun razılaşma 15-20 gün ərzində əldə edilə bilər. Agentlik yazır ki, bu razılaşmanın sanksiyaların yumşaldılması və xarici aktivlərin dondurulmasının açılması müqabilində Tehranın nüvə proqramına məhdudiyyətləri daxil edəcəyi gözlənilir.

Mənbə qeyd edib ki, ilkin razılaşmalar Pakistanın vasitəçiliyi ilə razılaşdırılmış memorandum şəklində rəsmiləşdirilə bilər. Pakistan tərəflər arasında əsas əlaqə kanalı rolunu oynayır. Hazırda ABŞ və İran nümayəndələrindən rəsmi şərh daxil olmayıb.

Məryəm Quliyeva