Cənubi Koreya Prezidenti Li Çje Myon Hanoyda Vyetnamın Baş naziri Le Min Hunq ilə danışıqlar aparıb və nüvə enerjisi, infrastruktur və energetika sahələrində əməkdaşlığı genişləndirəcəyinə söz verib.

Xalqcebhesi.az xəbər verir ki, bu barədə Yonhap agentliyi məlumat yayıb.

Li Çje Myon bəyan edib ki, Cənubi Koreya Vyetnamın iqtisadiyyatını modernləşdirmək planlarında, o cümlədən 2045-ci ilə qədər inkişaf etmiş ölkə statusuna nail olmaq hədəfində "etibarlı tərəfdaş" olmaq niyyətindədir.

Seul atom energetikası layihələri, nəqliyyat infrastrukturu və energetika sektoru çərçivəsində əməkdaşlığı dərinləşdirməyi, həmçinin Honq çayı ilə bağlı regionun uzunmüddətli inkişafı üçün birgə baza yaratmağı təklif edib.

Vyetnamın Baş naziri qeyd edib ki, Cənubi Koreya prezidentinin səfəri ikitərəfli münasibətlərə təkan verir və o, iqtisadi qarşılıqlı əlaqələrin genişləndirilməsində maraqlı olduğunu ifadə edib.

Məryəm Quliyeva