Belarus-Polşa sərhədində "beşin beşə" formulu ilə saxlanılan şəxslərin mübadiləsi aparılır.

Xalqcebhesi.az xəbər verir ki, bu barədə "BelTA" agentliyi məlumat yayıb.

Məlumata görə, baş tutan bu hadisə Belarus DTK-sı (KGB) ilə Polşa Kəşfiyyat Agentliyi arasında prezident Aleksandr Lukaşenkonun birbaşa tapşırığı ilə həyata keçirilən mürəkkəb və uzunmüddətli danışıqlar prosesinin kulminasiya nöqtəsi olub.

Əməliyyat nəticəsində müxtəlif ölkələrin 10 vətəndaşı azad edilib və ailələrinə qovuşmaq imkanı qazanıb. Azad edilənlər arasında ölkənin milli təhlükəsizliyinin və müdafiə qabiliyyətinin təmin edilməsi maraqları naminə xüsusi mühüm tapşırıqları yerinə yetirən Belarus vətəndaşları da var.

Saxlanılanların mübadiləsi bəzi dost ölkə liderlərinin Lukaşenkoya müraciətindən sonra baş tutub.

Məryəm Quliyeva