İsrail, İran raketləri və pilotsuz uçuş aparatları ilə mübarizəyə kömək etmək məqsədilə Birləşmiş Ərəb Əmirliklərinə qabaqcıl müdafiə sistemləri, o cümlədən lazer ələ keçirici göndərib.

Xalqcebhesi.az xəbər verir ki, bu barədə "Financial Times" məlumat yayıb.

Hesabatda bildirilir ki, bu addım "İbrahim sazişləri"nin (Abraham Accords) imzalanmasından sonra iki ölkə arasında hərbi əməkdaşlığın ilk böyük nümunələrindən biri olub.

Nəşr vəziyyətlə tanış olan mənbələrə istinadən xəbər verir ki, İsrail yaxın mənzilli raketləri və dronları zərərsizləşdirmək üçün nəzərdə tutulmuş "Iron Beam" (Dəmir Şüa) lazer sisteminin bir versiyasını, habelə yaxınlaşan dronları aşkar etmək qabiliyyətinə malik müşahidə sistemini təqdim edib.

Məlumata görə, bu sistemlər İsrailin "Dəmir Qübbə" hava hücumundan müdafiə sistemi ilə birlikdə yerləşdirilib və İsrail mütəxəssislərinin yardımı ilə istismar edilir.

Məryəm Quliyeva