ABŞ Prezidenti Donald Trampın qlobal enerji tədarükünü pozan müharibəyə son qoymaq məqsədi daşıyan İranla sazişi imzalamasından bir neçə saat sonra, cümə axşamı günü Səudiyyə Ərəbistanı bayrağı altında üzən və göyərtəsində altı milyon barel xam neft olan üç supertanker Hörmüz boğazından keçib.

Xalqcebhesi.az xəbər verir ki, bu barədə "Reuters" agentliyi məlumat yayıb.

Yükdaşıma şirkətləri təhlükəsiz keçidin təmin edilməsi və akvatoriyanın minalardan təmizlənməsi zərurəti səbəbindən boğaz vasitəsilə tranzitin müharibədən əvvəlki səviyyəyə qaytarılması üçün hələ vaxt lazım olacağını bildirsələr də, dəyişikliyin ilk əlamətləri dərhal özünü göstərib.

Əvvəllər transponderlərini (naviqasiya cihazlarını) söndürərək yerlərini gizlədən gəmilər, indi boğazdan keçməyə hazırlaşaraq öz koordinatlarını açıq şəkildə yayımlamağa başlayıblar. "Brent" markalı etalon neftin fyuçersləri daha 2% ucuzlaşaraq bir barel üçün 78 dollardan aşağı düşüb ki, bu da hərbi əməliyyatların başlamasından bəri ən aşağı səviyyədir.

Məryəm Quliyeva