ABŞ Hərbi Dəniz Qüvvələrinin 6-cı donanmasının flaqman komanda gəmisi "Mount Whitney" planlı səfər çərçivəsində Litvanın Klaipeda dəniz limanına daxil olub.

Xalqcebhesi.az xəbər verir ki, bu barədə ABŞ-ın Vilnüsdəki səfirliyi məlumat yayıb.

​Litva limanında olduğu müddətdə gəminin heyəti ilə Litva HDQ-nin və liman şəhərinin bələdiyyə nümayəndələri arasında görüşlər keçiriləcək. Məlumatda bildirilir ki, "dənizdə koordinasiya və hərbi dəniz qüvvələrinin qarşılıqlı fəaliyyəti məsələləri müzakirə olunacaq".
​"Mount Whitney" donanmanın rəhbərliyini və Avropadakı əməliyyatların idarə olunmasını təmin edir.

Məryəm Quliyeva