ABŞ Kubanın blokadasını, birtərəfli sanksiyaları və Havanaya qarşı hər hansı formada məcburetmə və təzyiqləri dərhal dayandırmalıdır.

Xalqcebhesi.az xəbər verir ki, bunu Çin Xarici İşlər Nazirliyinin rəsmi nümayəndəsi Qo Szyakun ABŞ-ın Kuba strukturlarına qarşı tətbiq etdiyi yeni məhdudiyyətləri şərh edərkən bəyan edib.

"Çin beynəlxalq hüquqi əsası olmayan qeyri-qanuni birtərəfli sanksiyalara ardıcıl olaraq qarşı çıxır və ABŞ-ı Kubanın blokadasını, eləcə də hər hansı formada məcburetmə və təzyiqləri dərhal dayandırmağa çağırır", — deyə diplomat bildirib.

Qo Szyakun vurğulayıb ki, Pekin Kubanın öz milli şəraitinə uyğun gələn sosialist inkişaf yolunu axtarmasını qətiyyətlə dəstəkləyir. Çin həmçinin Havananı dövlət suverenliyinin və təhlükəsizliyinin qorunmasında dəstəkləyir, — deyə o əlavə edib.

Məryəm Quliyeva