Fransalı tibb işçiləri uzun sürən anomal isti hava fonunda ölüm hallarının mümkün artımı ilə bağlı ciddi narahatlıqlarını ifadə edirlər.

Xalqcebhesi.az xəbər verir ki, bu barədə Fransa Xəstəxanalar Federasiyasının (FHF) baş nümayəndəsi Zeynab Rie "France Inter" radiostansiyasının efirində məlumat verib.

"İsti havanın müddətini, həmçinin evlərdə və müəssisələrdəki şəraiti nəzərə alaraq, insanların sağlamlığının əhəmiyyətli dərəcədə pisləşəcəyindən qorxuruq. Biz, böyük ehtimalla, normadan artıq ölüm halları ilə qarşılaşacağımızdan həqiqətən ehtiyat edirik", — deyə o bildirib. Rie əlavə edib ki, insanlar təcili yardımı daha tez-tez çağırırlar.

Fransada anomal isti hava iyunun 17-dən bəri müşahidə olunur. Bununla əlaqədar olaraq, 10 minə yaxın təhsil müəssisəsinin fəaliyyəti dayandırılıb və ya dərs cədvəli dəyişdirilib, dəmir yolu nəqliyyatının hərəkəti məhdudlaşdırılıb. Anomal isti hava səbəbindən ən azı beş nəfər həyatını itirib, daha azı 42 nəfər isə su hövzələrində boğulub ki, bu da isti hava şəraitinin fəsadları ilə əlaqələndirilir.

"Le Parisien" qəzeti Milli Temperatur Ölçmə Agentliyinin məlumatlarına istinadən xəbər verib ki, iyunun 24-ü Fransada meteoroloji müşahidələr tarixin tək ən isti günü olub. Həmin gün respublika üzrə orta temperatur 30 dərəcə təşkil edib. "Météo-France" milli meteorologiya xidmətinin məlumatına görə, 50-dən çox departamentdə temperatur göstəricisi 40 dərəcəyə çatıb.

Məryəm Quliyeva