İsrail Müdafiə Ordusu (SAXAL) iyunun 29-na keçən gecə Suriyadakı Tel-Kudna rayonunda, İsrail ordusunun bufer zonasında yerləşən posta atəş açıldığını qeydə alıb.

Xalqcebhesi.az xəbər verir ki, bu barədə "Vesti" nəşri məlumat yayır.

Cavab olaraq minaatan və artilleriyadan atəş açılıb, həmçinin helikopterlərdən raket zərbəsi endirilib. İnsident zamanı xəsarət alanlar barədə məlumat verilmir.

Suriyanın SANA agentliyi isə İsrail ordusunun Dəra rayonunun Abadin kəndi yaxınlığına zərbələr endirdiyini xəbər verib. Məlumatda sakinlərin tələsik evlərini tərk etdiyi qeyd olunur.

Məryəm Quliyeva