İslam İnqilabı Keşikçiləri Korpusunun (SEPAH, İran Silahlı Qüvvələrinin elit bölmələri) Hərbi Dəniz və Aerokosmik Qüvvələri Amerikanın Bəhreyn və Küveytdəki hərbi bazalarına zərbələr endirib.

Xalqcebhesi.az xəbər verir ki, bu barədə SEPAH-ın İran Dövlət Teleradiosunun yaydığı bəyanatında bildirilir.

"SEPAH-ın Hərbi Dəniz və Aerokosmik Qüvvələrinin döyüşçüləri, düşmənin ölkənin müxtəlif nöqtələrinə etdiyi hücumlardan dərhal sonra həyata keçirilən birgə raket və pilotsuz uçuş aparatı (PUA) əməliyyatı zamanı ABŞ-nin Küveytdəki "Əli əs-Salim" və "Arifcan", həmçinin Bəhreyndəki "Əl-Cüfeyr" və "Şeyx İsa" bazalarının əsas obyektlərini və infrastrukturunu məhv ediblər", — deyə bəyanatda qeyd olunur.

SEPAH xəbərdarlıq edib ki, Amerikanın hücumları təkrarlanacağı təqdirdə Tehran cavab tədbirlərini genişləndirəcək və bu addımlar ABŞ Silahlı Qüvvələrinin Yaxın Şərqdəki digər bazalarına da yönələcək.

Məryəm Quliyeva