Üç neft tankeri İranla razılaşdırılmadan Hörmüz boğazından keçməyə cəhd edib, nəticədə gəmilərdən birində partlayış və yanğın baş verib.

Xalqcebhesi.az xəbər verir ki, bu barədə İslam İnqilabı Keşikçiləri Korpusu (SEPAH, İran Silahlı Qüvvələrinin elit bölməsi) məlumat yayıb.

"Üç neft tankeri Hörmüz boğazından minalanmış marşrutla keçmək niyyətində olub. Onlardan birində baş verən partlayış və güclü yanğından sonra digər iki gəmi tam sürətlə geriyə dönərək geri çəkilib", — deyə İran dövlət teleradio şirkəti SEPAH-ın bəyanatını sitat gətirib.

Silahlı Qüvvələr vurğulayıb ki, Hörmüz boğazı İranın nəzarəti altında olduğu müddətdə İslam Respublikası ilə razılaşdırılmadan heç bir gəmi boğaza girə və ya oradan çıxa bilməz.

Məryəm Quliyeva