Ələt limanı Mərkəzi Asiya ölkələri üçün tranzit rolunu oynayır.

Trend xəbər verir ki, bu barədə Bakı Beynəlxalq Dəniz Ticarət Limanının baş əməliyyat inzibatçısı Yucin Si “Azərbaycan-Çin münasibətlərinin yenidən qiymətləndirilməsi: İrəliyə doğru yol” mövzusundakı konfransda çıxışı zamanı deyib.

O qeyd edib ki, alternativ marşrutlara hər zaman ehtiyac var.
“Bakı Ələt limanı tam gücü ilə işləyir. Ələt limanı Mərkəzi Asiya ölkələri üçün də tranzit rolunu oynayır. Biz limanın ikinci faza modelini də işləyib bitirmişik. Planlaşdırma fazasında maraqlı tərəflər karqolar gətirməklə bu investisiyanın artmasına kömək edə bilər”, - deyə o bildirib.