2024-cü ilin yanvar-oktyabr aylarında Azərbaycan sığorta bazarı üzrə yığımlar 9% və ya 93 milyon manat artaraq 1 milyard 112 milyon manata çatıb.

"APA-Economics"in sığorta şirkətlərindən əldə etdiyi məlumata görə, bu dövrdə həyata keçirilən sığorta ödənişlərin həcmi 36,7% artaraq 622 milyon manata yüksəlib.

Sığorta bazarının zərərlilik göstəricisi artıb. Belə ki, ötən ilin ilk 10 ay ərzində toplanmış hər 100 manat sığorta haqqının 44,6 manatı ödənişə yönəldilibsə, bu ilin eyni dövründə bu rəqəm 55,9 manata yüksəlib.

Qeyd edək ki, sığorta bazarının aparıcı növlərindən biri olan həyatın yaşam sığortası üzrə qanuna dəyişiklik edilməsi gözlənilən yenilikdən sonra 2025-ci ildən ümumi sığorta bazarı üzrə yığımlarda azalma müşahidə oluna bilər.