Platinin qiyməti 2014-cü ilin iyul ayından bəri ilk dəfə 1 500 ABŞ dollarını ötüb.

Bu barədə “Report” “Reuters” agentliyinə istinadən xəbər verir.

Platinin qiyməti cümə günü günortadan sonra inamlı artım nümayiş etdirib - kotirovkalar 2 %-dən çox artıb və ticarətdə 11 ildən sonra ilk dəfə bir troya unsiyası üçün 1 500 dolları ötüb.

Kotirovkalardakı artım ardıcıl üçüncü ticarət günüdür davam edir. Əvvəlki iki sessiyanın nəticələrinə əsasən, platin toplamda 5,1 % dəyər qazanmışdı.