Dünya Platin İnvestisiya Şurası 2027-ci ildən 2030-cu ilə qədər qlobal platin bazarında kəsir proqnozlaşdırır.

Teleqraf xəbər verir ki, 2027-2030-cu illərdə orta kəsir ildə 348 min troy unsiyası təşkil edəcək.

Təşkilata görə, geosiyasi qarışıqlıq davam etdikcə, qiymətli metallar (platin də daxil olmaqla) 2026-cı ildə təhlükəsiz sığınacaq aktivləri olaraq qalacaq:

"2025-2030-cu illər arasında ümumi platin tədarükü illik müqayisədə 0,9% artacaq. Bu da təkrar emal həcmlərinin artması ilə əlaqədardır. Platin tələbi məhdud olacaq və 2025-2030-cu illər arasında illik müqayisədə 0,7% azalacaq".

Eyni zamanda, təşkilat 2026-2030-cu illərdə qlobal palladium bazarında təklif artıqlığının yaranacağını gözləyir ki, bu da əsasən təkrar istehsalın artması ilə bağlıdır.