Yaxın Şərqdə gərginliyin yeni dalğası və Yəməndəki husi üsyançılarının Qırmızı dənizdə neft tankerlərinə hücumları nəticəsində Niderlandda bir litr "Euro95" markalı benzinin qiyməti iyulun əvvəlindən bəri təxminən 7% artaraq 2,462 avrodan 2,624 avroya — yüksəlib.

Bu barədə "De Telegraaf" qəzeti məlumat yayıb.

Bildirilir ki, "Brent" markalı xam neftin qiyməti iyulun əvvəlindən bəri təxminən 32% artaraq bir barel üçün 72,68 dollardan 96 dollara yüksəlib. Xüsusilə husilərin hücumları fonunda iyulun 23-ü səhər saatlarında qiymətlər əvvəlki ticarət sessiyası ilə müqayisədə 2,6% bahalaşıb. Kəskin artımlar Niderlanddakı yanacaqdoldurma məntəqələrində benzinin qiymətinin yüksəlməsinə səbəb olub.