“Hazırda bir çox yan tədbirlər həm Yaşıl zonada, həm də Mavi zonada keçirilir. Eyni saatda, eyni anda Mavi zonada 8 tədbir həyata keçirilir”. Bunu xalqcebhesi.az-a açıqlamasında COP29 Təşkilat Komitəsinin üzvü , Milli Məclisin deputatı Pərvanə Vəliyeva söyləyib.

Deputat qeyd edib ki, iki həftə ərzində Mavi zonada ümumilikdə 350 tədbir olacaq: “Azərbaycanın dövlət qurumlarının da tədbirləri olacaq. Eyni zamanda, qeyri-hökumət təşkilatlarının, beynəlxalq təşkilatların tədbirləri həyata keçilirilir. Ölkə nümayəndələrinin də pavilyonları var. Ən böyük pavilyon Azərbaycana aiddir. Həmçinin ən böyüklərdən Afrika, Çin, İndoneziya pavilyonları var və burada Çin pavilyonuna daha çox maraq var. Çünki Çin ticarət üzrə nəhənglərdən birinə çevrilib. Bu baxımdan onların pavilyonlarında keçirdikləri tədbirlərə Qlobal İqlim Cəmiyyətinin marağı yüksək səviyyədədir. Eləcə də, Azərbaycan pavilyonunun da qarşısında xeyli insan var, ona da maraq böyükdür”.

Röya İsrafilova