“Ermənistanın silahlanması onların danışıqlar zamanı hər hansısa bir üstün mövqeyə malik olmasına gətirib çıxarmayacaq. Çünki ortada konkret maddələr var. Sülh danışıqları ilə bağlı maddələri erməni qoşunlarını darmadağın edən Azərbaycan ortaya qoyub. Bunların ətrafında da danışıqlar gedir”.
Bu sözləri xalqcəbhəsi.az-a açıqlamasında politoloq Elşad Həsənov deyib.
E.Həsənov bildirib ki, bizim irəli sürdüyümüz maddələrin çoxu həll olunub, razılaşdırılıb: “Ermənistanın öz konstitusiyasının preambulasında Azərbaycana qarşı torpaq iddiasından əl çəkməsi, yəni həmin mətni oradan ləğv etməsi prosesi qalıb: “Hazırda bu, gündəmdədir. Hesab edirəm ki, ermənilər bunu da etməlidirlər. Çünki Cənubi Qafqaza sülh lazımdır. Artıq ermənilər də, Qərb dünyası da, ABŞ də başa düşür ki, sülhün olması üçün sülh müqaviləsi bağlanmalıdır. Bu müqavilənin bağlanması da bizim irəli sürdüyümüz haqlı tələbdən, obyektiv fikirdən irəli gəlir”.

Röya İsrafilova