Prezident İlham Əliyev yanvarın 7-də yerli televiziya kanallarına müsahibəsində Qərbi Azərbaycan məsələsinə toxunub. Dövlət başçısı bildirdi: “Bu məsələ gündəlikdən çıxmayacaq, o vaxta qədər ki, azərbaycanlılar təhlükəsizlik şəraitində Qərbi Azərbaycana, o cümlədən Qərbi Zəngəzura yerləşəcəklər”.

Siyasi şərhçi Əkrəm Bəydımirlinin fikrincə,
regionda tarixi ədaləti bərpa etmək, davamlı və möhkəm sabitliyi dərinləşdirmək üçün bu çox zəruri addım olacaq:

"300 mindən artıq Qərbi Azərbaycandan qovulmuş azərbaycanlıının öz tarixi torpağına qayıdışı aparılacaq intensiv təbliğat işi ilə bərabər, hüquqi prosedurların nəticəsindən çox asılı olacaq. Digər tərəfdən həm beynəlxalq hüququn, həm də regionda və dünyada gedən geopolitik proseslərin davamı qayıdış məsələsinə təkan verə bilər. O baxımdan vətəndaş olaraq hər birimiz, o cümlədən Qərbi Azərbaycan İcması real proseslərə adekvat olaraq çox dəqiq və aydın hədəflərə doğru fəaliyyətini sürətləndirməlidir.
Çox əhəmiyyət addım olar ki, Qərbi Azərbaycana qayıdış məsələsi yalnız ölkə hüdudları çərçivəsində deyil, həmçinin beynəlxalq təşkilatların gündəliyində, müzakirələrində olsun".

Cavid