“Fransanın və Avropa İttifaqına daxil olan bir çox ölkələrin indiyə qədər Azərbaycana qarşı mənfi münasibətinin biz açıq-aşkar şahidi olmuşuq. Ermənistan-Azərbaycan münasibətində Fransa başda olmaq şərti ilə Avropa İttifaqına daxil olan ölkələrin böyük əksəriyyəti hadisələrə ədalətsiz, ikili standartdan yanaşıblar”.

Bu sözləri Xalqcebhesi.az-a açıqlamasında Milli Məclisin deputatı Elşad Musayev deyib.

E.Musayev əlavə edib ki, amma indiki halda Azərbaycan güclü dövlət olduğu, şərtləri diktə eləyə bildiyi, Ermənistanla problemi vasitəçilərsiz birbaşa həll edə bildiyi üçün Fransa da, Rusiyanın özü də və digərləri də oyundankənar vəziyyətdə qalır: “Bu məsələlərə bütövlükdə Azərbaycanın dövlət olaraq böyüməsi, güclənməsi kontekstində yanaşmaq lazımdır. Biz böyümək, inkişaf eləmək üçün, güclənməliyik. Güclənmək üçün də təbii ki, biz iqtisadi əlaqələrimizi rəngarəng, çoxşaxəli eləməliyik. Hesab edirəm ki, bu sahədə dövlətimizin atdığı addımlar doğru addımlardır”.

Röya İsrafilova