Türkiyə Prezidenti Rəcəb Tayyib Ərdoğon Azərbaycan xalqı və ölkə başçısı İlham Əliyevə təşəkkür edib.

APA-nın İstanbul müxbirinin verdiyi xəbərə görə, bu barədə, o, “20 İyul Sülh və Azadlıq Günü” ilə əlaqədar rəsmi mərasimdə çıxışı zamanı danışıb.

Ərdoğan, Şimali Kipr Türk Cumhuriyyətinin artıq Türk Dövlətləri Təşkikatı, İslam Əməkdaşlıq Təşkilatı və İqtisadi Əməkdaşlıq Təşkilatı kimi təşkilatlarda təmsil edildiyini qeyd edib.

“Son olaraq, Xankəndidə İqtisadi Əməkdaşlıq Təşkilatı Zirvəsi zamanı Şimali Kipr Türk Cumhuriyyətinin şanlı bayrağı da digər ölkələrin bayraqları ilə yanaşı dalğalandı. Azərbaycan Prezidenti cənab İlham Əliyev və Can Azərbaycan xalqına Kipr mübarizəmizə verdikləri dəstək üçün bir daha təşəkkür edirəm”, - o bildirib.