Ədalət, Hüquq, Demokratiya (ƏHD) Partiyası İdarə Heyətinin iclası keçirilib. ƏHD Partiyası mətbuat xidmətindən xalqcəbhəsi.az-a verilən məlumata görə, iclasda Sədərək Ticarət Mərkəzində baş vermiş güclü yanğınla bağlı məsələ də müzakirə olunub. Qeyd olunub ki, ticarət mərkəzi ən adi təhlükəsizlik standartlarına cavab vermir. Ona görə də, daha böyük təhlükələrin qarşısının alınması, eyni zamanda müvafiq tələblərə cavab verməsi üçün ticarət mərkəzi sahibkarlara ziyan vurulmadan, tədricən sökülməli və yenidən inşa olunmalıdır.
ƏHD Partiyası hökumətə müraciət edir ki, bu istiqamətdə təxirəsalınmadan işlərə başlanılsın və yanğından zərər çəkmiş sahibkarlara ən azı vergi ödənişləri və gömrük rəsmiləşdirilmələri ilə bağlı güzəştlər edilsin.