Gürcüstan parlamentinin Regional siyasət və özünüidarəetmə komitəsinin sədri İrakli Kadaqişvili Azərbaycanla dostluq qrupuna rəhbərlik edəcək.

APA-nın yerli bürosu xəbər verir ki, onun namizədliyini parlamentin Xarici əlaqələr komitəsi təklif edib.

Qanunverici orqanın büro iclasında məsələ səsə qoyularaq qəbul olunub və plenar iclasa tövsiyə edilib. İ.Kadaqişvili namizədliyi plenar iclasda dəstəklənəndən sonra qrupa rəhbərlik etməyə başlayacaq.

Qeyd edək ki, Azərbaycanla dostluq qrupunda 30 deputat təmsil olunur.

Xatırladaq ki, dostluq qrupunun rəhbəri Givi Mikanadze olub. O, bu ilin iyunun 30-da Gürcüstanın təhsil, elm və gənclər naziri təyin edilib.