“Avropa Parlamenti, Avropa İttifaqı, Avropa Şurası bu strukturlar zaman-zaman Azərbaycana, onun müxtəlif strukturlarına, şəxslərinə qarşı qərəzli bu və digər fikirlər, ittihamlar səsləndiriblər, bəyanatlar qəbul ediblər. Hətta Azərbaycanın apardığı uğurlu fəaliyyətlər, COP29 və digər bu kimi çalışmalarda da biz bu avropalı strukturların qərəzli yanaşmasının təəssüf ki, şahidi olmuşuq”.

Bunu xalqcebhesi.az-a açıqlamasında "Müasir İnkişaf" İctimai Birliyinin sədri, siyasi şərhçi Mübariz Göyüşlü bildirib.

M.Göyüşlü vurğulayıb ki, bu bəyanat, açıqlama və fikirlər Avropa Parlamentini, Avropa İttifaqını yönləndirən, siyasətini həyata keçirən şəxslərin növbəti qərəzidir: “Bunlar qəbul ediləcək məsələlər deyil. Bu məqamlar Azərbaycanı fəaliyyətdən saxlaya bilməz, bizi doğru yoldan çəkindirə bilməz. Azərbaycan Milli Məclisinin, Azərbaycan aidiyyəti qurumlarının Avropa Parlamenti və digər qurumlarla fəaliyyətini məhdudlaşdırması, dayandırması, təmsilçilik məsələlərinə yenidən baxması və digər məsələlər hesab edirəm ki, Azərbaycan tərəfindən atılmış doğru addımdır”.

Röya İsrafilova