Sosial şəbəkələrdə Biləsuvar rayonunda azyaşlının qeyri-əxlaqi hərəkətlərə məruz qalması iddialarının araşdırılmadığına dair məlumat yayılıb.

Xalqcebhesi.az xəbər verir ki, bununla bağlı DİN-in Mətbuat Xidmətindən Globalinfo.az-a bildirilib ki, 2024-cü ilin noyabrında azyaşlıya qarşı əxlaqsız hərəkətlər edilməsi ilə bağlı müraciət üzrə tam və hərtərəfli araşdırma aparılıb. Təqsirin müəyyən edilməsi üçün müvafiq tibbi ekspertizalar təyin olunmaqla rəy alınıb. Bütün xüsusatlar və tibbi ekspertiza rəyi ilə iddialar təsdiqlənmədiyi üçün cinayət işinin başlanması rədd edilib.

İddiaların polis şöbəsində araşdırılmadığına dair məlumatlar əsassızdır, həqiqəti əks etdirmir.