Ədliyyə Nazirliyi və QHT-lərə Dövlət Dəstəyi Agentliyinin bəzi təşkilatların qanunsuz şəkildə saxta orden və medallar təsis etməsi ilə bağlı birgə bəyanatı ictimai müzakirələrə səbəb olub.

QHT.az xəbər verir ki, “İnkişafa və İslahatlara Dəstək” İctimai Birliyinin sədri Ramil Əliyev məsələ ilə bağlı sərt mövqeyini bildirib:

“Bu kimi hallar çox utancvericidir və bunu edənlər anlamalıdırlar ki, dövlətin qanunları var və dövlətimizin təsis etdiyi medallar var. Onlara paralel medal hazırlamaq özü qanunsuz əməldir”, – deyə o vurğulayıb.

Ramil Əliyev qeyd edib ki, QHT-lərin əsas məqsədi ictimai fayda vermək, cəmiyyətin inkişafına dəstək olmaqdır.

Qeyd edək ki, ötən dövrdə dəfələrlə bəzi QHT-lərin bu cür saxta orden və medallar təsis etməsi və təqdim etməsi barədə məlumatlar yayılıb, bu məsələ ilə bağlı narazılıqlar gündəmə gəlib.