Crossmedia.az Analitik İnformasiya Portalının bir yaşı tamam olur. 2024-ci noyabrın 1-də təsis olunan portal qısa müddət ərzində özünəməxsus analitik üslubu, obyektiv informasiya təqdimatı və müasir media prinsiplərinə sadiqliyi ilə seçilərək informasiya məkanında yer tutmağa nail olub.

Portal regionda və dünyada baş verən ən son siyasi proseslərlə bağlı, xüsusilə beynəlxalq münasibətlər, geosiyasi dəyişikliklər, qlobal təhlükəsizlik və iqtisadi siyasət kimi mövzular üzrə təhlil yazılarını oxuculara təqdim edir. Crossmedia.az həm regional, həm də beynəlxalq arenada Azərbaycanın mövqeyini və diplomatik fəaliyyətinin təhlilini təqdim edir.

Sayt həmçinin siyasi ekspertlər, deputatlar və analitiklərlə müsahibələr vasitəsilə hadisələrin mahiyyətinə dərindən nəzər salır. Eyni zamanda Cross Media Təhlil Mərkəzinin analitiklərinin qeyd olunan istiqamətlər üzrə məqalələri də təqdim olunur.

Həmkarlarımızı 1 yaş münasibətilə təbrik edir, fəaliyyətlərində uğurlar arzu edirik.