Sənəndəc valisi Arəş Zerehtən Ləhuni əyalətdə türk adlarının silinməsinə zəmin yaratmaq məqsədi ilə şəhərin Quru Qala mağarasının tarixi türkcə adın "uşaqca" olduğunu deyib.

Gunaz.tv

Arəş Zerehtən Ləhuni vilayətdəki türkcə yer adlarına işarə edərək deyib:

"Bu adları gördüyüm zaman mənə elə gəlir ki, bəlkə bu adlar bir uşaq verib. Məsələn, Quru Qala mağarası, Quru Qala mağarası adlı on lövhə yerləşdiribıər!" - deyə o bildirib.

Daha sonra o , mağaranın türkcə adını təhrif edərək iddia edib ki, bu mağaranın adı kürdcədir və əslində “Qora qala”dır. Qora isə küdcə palçıq deməkdir.

Qeyd edək ki, 2024-cü ilin dekabrinda da Sənəndəc valisi Arəş Zerehtən Ləhuni Sənəndəcdə “Kürd Dili Akademiyası”nın fəaliyyətə başladığını elan etmiş və “əsl kürd adlarının bərpasının” bu akademiyanın vəzifələrindən biri olacağını bildirmişdi.

Xatırladaq ki, Kürd ekstremist və terrorçu qruplaşmaları Sənəndəc və Qərbi Azərbaycan əyalətlərində tarixi Azərbaycan torpaqlarının işğalını qanuniləşdirmək üçün bu bölgələrin türkcə adlarını təhrif etməyə və dəyişdirməyə çalışırlar. 2024-cü ilin aprel ayında Azərbaycanın Salmas qəzasının Ağ Bulaq kəndinin kənd başçısı kəndin türkcə adını saxta Kani Sefid adı ilə dəyişdirmişdi.