Qaşqay türkləri Şirazda etiraz aksiyası keçirilməsi planlaşdırır.

Gunaz.tv

Qaşqay türklərinə məxsus geyim və mədəniyyət nümunələrinin aidiyyatı olmayan şəxslər və qurumlar tərəfindən saxtalaşdırılması və mənimsənilməsinə etiraz olaraq aprelin 27-də, səhər saat 10:00-da, Şiraz valiliyi qarşısında etiraz eyləmi keçirəcək.

"Baydaq News"un məlumatına görə, bu toplantının təşkilatçıları Qaşqay olmayan qurumlar, etnik qruplar və ayrı-ayrı şəxslər tərəfindən Qaşqay geyimlərinin öz adlarına qeydiyyata alınmasına etiraz edəcək və bu prosesin dayandırılmasını, Qaşqay türklərinin öz milli geyimlərinə mədəni sahiblik hüququnun tanınmasını tələb edəcəklər.

Çağırış mətnində vurğulanır ki, məsələ ilə bağlı hər hansı qərar türk olan ekspertlər və bu qrupun nümayəndələrinin iştirakı ilə qəbul edilməlidir və onların razılığı olmadan Qaşqay geyimlərinin hər hansı qeydiyyatı və ya müsadirəsi qəbuledilməzdir.

Bu etirazlar son bir neçə ayda bu məsələ ilə bağlı keçirilən üçüncü eyləmdir.