Şərqi Azərbaycan əyalətinin Vərziğan bölgəsində meşə zolağının məhv edilməsi prosesi davam edir.

Gunaz.tv

Bu barədə yerli ekofəallar məlumat yayıb.

Məlumata görə, yaşıl soyqırımın daha çox Əndiryan qızıl mədəni ətrafında aparılır və minlərlə ağac kəsilib.

Bu, son həftə ərzində ekoloji problemlə bağlı fəalların yaydığı ikinci xəbərdarlıqdır.

Bir neçə gün əvvəl tanınmış güneyli ekoloq Əhməd Bayburdi də özünün sosial media hesabında məlumat məsələ ilə bağlı paylaşım edib.

"Bu qiymətli bitki örtüyünün aradan aparılması, şübhəsiz ki, regionun ekosisteminə mənfi təsir göstərəcək",- Bayburdi xəbərdarlıq edib.

Qeyd edək ki, Qaradağ meşələrinin 164 min hektar sahəsi var, bu sahədən 148 min hektarının qoruma altında olduğu elan olunsa da, mədən istismarçıları buna riayət etmir.