Böyük Tehran Həbsxanasında məhbus olan türk fəallar son illərdə Urmu gölünün İran İslam Respublikası tərəfindən qəsdən qurudulmasına etiraz olaraq cümə günündən etibarən aclıq eyləmi keçirəcəklərini açıqlayıblar.

Gunaz.tv

Məhəmmədrza Fəqihi, Mahmud Ocaqlı, Mürtəza Pərvin, Tahir Nəqəvi, Əlirza Vəfayi və Vədud Əsədi cümə günü səhər saat 8:00-dan başlayaraq 48 saatlıq quru və yaş aclıq eyləminə başlayacaqlarını açıqlayıblar.

Böyük Tehran Həbsxanasında məhbus olan fəallar bundan əvvəl etiraz bəyanatı verərək yaxın günlərdə simvolik aclıq aksiyası keçirəcəklərini açıqlamışdılar.

İranın ən böyük göllərindən biri və Azərbaycanın milli sərvəti olan Urmu gölü İslam Respublikasının idarə və məsul şəxslərinin etinasızlığı nəticəsində son illərdə duz səhrasına çevrilib. Onun ekoloji təhlükələri insanların həyatına və bölgənin ekosisteminə təsir göstərmişdir.