Ərdəbil Xalq və İnqilab Prokurorluğunun 7-ci şöbəsində Azərbaycan Milli Hərəkatının fəalı Tohid Əmirəminin dindirmə iclası keçirilib.

Gunaz.tv

“Abbas Lisani Səhifəsi”nin məlumatına görə, Tohid Əmirəmini İran İslam Respublikası əleyhinə təbliğat ittihamına qarşı özünü müdafiə edib.

Xatırladaq ki, Tohid Əmirəmini 2025-cü il iyunun 17-də səhər saatlarında məhkəmə qərarı təqdim olunmadan atasının evindən döyülərək çıxarılıb və Ərdəbil Kəşfiyyat İdarəsinin təcridxanasına aparılıb.

O burada bir həftə saxlanıldıqdan sonra Ərdəbil Mərkəzi Həbsxanasına köçürülüb və daha sonra 500 milyon tümənlik girov qarşılığında məhkəməyə qədər müvəqqəti azad edilib.

Qeyd edək ki, Tohid Əmirəmini bundan əvvəl də rejim tərəfindən həbs və təzyiqlərə məruz qalıb.

O, 2019-ci il fevralin 20-də Beynəlxalq Ana Dili Günündə həbs edilib və 5 illik həbs cəzasına məhkum edilib.