İran Futbol Federasiyasının İntizam Komitəsinin qərarına görə, "Traxtur" komandası "Perspolis" komandası ilə qarşıdakı görüşləri və həmçinin Təbriz təmsilçisinin Kubok Yarşlarındakı oyunları tamaşaçısız keçiriləcək.

Gunaz.tv

Bu haqda İran mediası məlumat yayıb.

Bu qərarın dekabrın 18-də Təbrizdə "Traxtur" və "Perspolis" komandalarının oyunu zamanı "Traxtur" azarkeşlərinin "təhqiramiz şüarlar" səsləndirdiklərinə görə və Tehran təmsilçisinin şikayəti əsasında görə verildiyi bildirilib.

Bununla yanaşı "Traxtur" Klubu 3 milyard tümən (23 min dollar) cərimə edilib, komandanın 12 azarkeş liderinin 6 ay müddətinə stadionlara girişinə qadağa qoyulub.

Qeyd edək ki, dekabrın 18-də Təbrizin "Səhənd" stadionunda keçirilən qarşılaşmada "Traxtur" azarkeşləri bundan əvvəl Tehranda azərbaycanlılar və türklərə qarşı səsləndirilən təhqiramiz ifadələrə cavab şüarları səsləndiriblər.