Urmu gölünün dirçəldilməsi milli sərhədləri aşan bir məsələdir.

Gunaz.tv

Bunu İranın vitse-prezidenti Məhəmməd Rza Arif deyib.

“Urmu gölünün qurtuluşuna etinasızlıq və dar çərçivəli yanaşma milli sərhədləri aşan bir faciəyə səbəb olacaq. Urmu gölünün dirçəldilməsində hətta bir gün gecikmə belə aşkar zülmdür”, - vitse-prezident bildirib.

Qeyd edək ki, ötən ay Qərbi Azərbaycan əyalətinin valisi Rza Rəhmani gölün bərpasının mümkün olduğu barədə danışıb.

O, bildirib ki, bütün mütəxəssislərin ümumi rəyinə görə, Urmu gölünün yenidən canlandırılması mümkün işdır, ancaq bunun reallaşdırılması üçün məhdudiyyətlər var.

Vali məhdudiyyətlərin mahiyyəti barədə açıqlama verməyib.