Bu gün axşam saatlarından etibarən Güney Azərbaycan şəhərlərində geniş mitinqlər başlayıb.

Gunaz.tv

Bu barədə yerli mənbələr məlumat və videolar paylaşıblar.

Urmu, Zəncan, Xoy, Ərdəbil, Təbriz, Marağa və başqa bir neçə şəhərdə izdihamlı mitinqlərin baş tutduğu bilirilir.

Yayılan videolarda da göründüyü kimi mitinqlərdə Azərbaycan türkcəsində əsasən milli şüarlar səsləndirilir, milli istəkləri əks etdirən tələblər irəli sürülür.

"Azadlıq, ədalət, milli hökumət", "ölüm olsun dikatora", "Azərbaycan şətəfdi, Bəsici bişərəfdi", "Azərbaycan şəfərdi, Pəhləvi bişərəfdi" kimi şüarların səsləndirilməsi, başqa bölgələrdən fərqli olaraq azərbaycanlıların müstəqil və öz milli haqlarının tələbi ilə hərəkət etdiklərini göstərir.

Xüsusən Qərbi Azərbaycan əyalətinin Xoy şəhərində gözləniləndən daha güclü mirinq keçirilib, yuxarıda qeyd olunan şüarlarla yanaşı "Biz ölməyə hazırıq, Babəkin sərbazıyıq" şüarı səsləndirilib.

Bəzi yerlərdə bir neçə nəfərdən ibarət qruplar başqa cərəyanlarla bağlı şüarlar səsləndirməyə, mitinqlərin yönünü dəyişməyə çalışsalar da, onların bu cəhdi milli tələblərlə eyləmə qoşulan insanların izdihamı qarşısında uğursuzluğa düçar olub.

Yerli mənbələr bəzi şəhərlərdə hökumət qüvvələrinin mitinq iştirakçılarına hücum etdiklərini, atəş açdıqlarını və toqquşmaların yaşandığı, çox sayda insanın həbs edildiyini bildirsələr də, hələlik yaralananlar və saxlanılanların kimliyi və sayını müəyyənləşdirmək mümkün olmayıb.